Ynne ka sngi, ka President yong ka HANM Women’s Wing Central Body ka Bythygrace Dkhar da booh kyrpaad ko ha u DC ka East Jaiñtia Hills District wow pynsmat u booh noh ya ki Street Light deilang wa ki CCTV khnang yow ye u kdoh u khoom ya ki kaam awria, i chah thombor ki khynnah kynthai, ki manbei wa kiwi kiwi ki kaam kiwa pyntieñ pynsier hapoh ka District.
Ka seiñ da ong ko wa deiwa em ki Street Light wa ki CCTV daw pynsuk ko ya ki bor ka aiñ wow booddien lada jia iwon iwon i leh pyrchah ya ka aiñ.
Chooh chooh ini leh daw wanrah ko ya i chong suk chong saaiñ ha ka imlang sahlang wa ka jaitbru hi waroh kawi deiwa em i chngaaiñ hawa lai wa wan khamtam ha ki thaw wa em i maa.
