July 26, 2020

Dawa ka HANM wow kem wei wow pynchitom ya uwa dung bru

Advertisement ad1

Ka seiñ HANM da beiñ joor ko ya u Ardabiang Suchiang uwa na Iongkwang, Elaka Shilliang Myntang, West Jaiñtia Hills wei da dawa ko na ki pulit wow kem wei wow pynchitom noh ya oo.

Katkam ka ujor wa da e da u B. Sungoh uwa na Iongkwang da pynbaad wa u Ardabiang da thmu u wow tynyap ya ka khong yong oo, ka N. Langstang ha ka 22 tarik uni u bnai heipor 7:30 i miet.

Ha ka ujor, da ong wa u Ardabiang da ah u ya ka N. Langstang na rdang wei da dung u ka na kpoh hadooh wa da mynsoo joor ko wei da haap pynkit noh ya ka cha Mission Hospital Jowai wei da chah sumaar ko hapoh ICU.

Chooh chooh da ong wa u Ardabiang da maham pynyap u ya ka manyung mansem yong ki.

Hawa yaklam wa u SP ka West Jaiñtia, u Vikram Marak da ong u wa heiyatoh wa ini, ki pulit katkam wa man kattæ dang pynman ki ya i takit.