15 49.0138 8.38624 1 0 4000 1 https://wyrta.com 300 0
Advertisement ad1

Dawa ka HBDRF na ki ADC wow pynbiang noh ya Map wa ki kot ki sla yow pynbait pood noh waka Assam

0 Comments
Advertisement ad1

Shillong: Ka Hynniewtrep Border Dispute Redressal Forum (HBDRF) da dawa ko na ki ar tylli ki Autonomous District Council (ADC) wow pynbiang ya ki kot ki sla hawa yatoh wa u pood u ang waka jylla Assam.

Kani ka Forum ha ka tayaw wa da dep da lai yachem ko ya u Chief Executive Member (CEM) ka JHADC, u Thombor Shiwat wei ynne ka sngi da lai yachem ko leh ya u CEM ka KHADC, u Teinwell Dkhar.

Hawa yaklam ynne ka sngi wa u Chairman ka Forum, u Chandametre Sungoh, da ong u wa i thmu wa kongsan yong kani ka Forum toh wow dawa na ka sorkar Meghalaya, Assam wa naka sorkar India wow pynbait noh ya u pood u ang hapyrdi ka jylla Meghalaya–Assam. Wei wow dawa u pynuiñ biang ya waroh ki thaw wa toh hok ka jylla Meghalaya kiwa da toor ka jylla Assam. Wow wanrah ya ka yatylli wa ya ryntih hapyrdi kiwa chong chnong ka ri Khasi Jaiñtia khamtam kiwa chong wa sah ha ki thaw khappood wow man ki kiwa sñiawthooh ya i emkaam wow yoh ya u pood u ang wa ki thaw ki bhaw wa toh hok u yoh wei yow wanrah ya ka chongsuk chongsaiñ, ka roi ka paar hapyrdi kiwa chong chnong ki Khasi Pnar wa chong wa sah ha ki thaaiñ khappood.

Neiliang uwa e ktien ka HBDRF, u Thomas Passah da ong u wa ka Forum ka da dawa ko na ka JHADC wa KHADC wow pynbiang ya ka Map wa pura, ki pyrtuid chnong kiwa em ha ki thaw khappood wa ka Assam kiwa da tipmit kam ki thaw wa em hapyrdi i yaknieh (Disputed Area) wa ka jylla Assam. Ki pyrtuid yong ki waroh ki sordar shnong/waheh chnong yong ki chnong kiwa em tymbud u pood u ang waka Assam. Ki Copy yong ki waroh ki chithi/ki thoh/ki kot ki sla wa da phah da ka Council cha ka sorkar jylla, sorkar Assam wa ka sorkar India.

U Passah da ong u wa lyngba kini ki yutip wa ki thoh ki tar næ ki sakhi sabut u man ki kam ki yurim wa ki tiar yaleh wow yoh ya ka hok hajrong u pood.

Da ong u wa kani ka phang wa yatoh wa u pood u ang da man kylla ko du kam ka phang saiñpyrthai, tangwa kawa ym poi cheiwon cheiwon hadooh katni, wei katni emkaam ka ya krehlang wa waroh da kawi ka thong uwi u pood kawi ka jaitbru. Da pynrap chooh chooh wa ka Forum ym chong ngiah ko hadooh wa ka jylla u yoh u yong ka hi u pood u ang.

Ha kawi won ka liang, uwa kitkaam ka HBDRF, u Damechwa Syrti da pyntip u wa em ki chnong ha Jaintia Hills ki wym em yaka ka Map yong ka pyrthai wei hajrong kani ka liang wa ka Forum da yachem ko wa u CEM ka JHADC uwa da pyntikna wa ka Council daw chimkhia wow tip noh ya kitæ ki chnong.

Advertisement ad1

0 Comments

Leave a Reply