theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Dawa ka HITO na u CEM wow pyndam yei seiñ ya ka chnong Myntdu

Ka seiñ Hynniewtrep Integrated Territorial Organization (HITO) Khliehtyrchi Area ynnin ka 28 tarik da lai booh dorkhat ko ha u CEM ka JHADC, ha u EM wa pait ya ki Elaka, ha ka Administrative Officer ka Council, ha u Dolloi ka Jowai Elaka wa ha u Deputy Commissioner ka West Jaiñtia Hills yow dawa pyndam noh yei thmu seiñ wow pynmih ya ka chnong wa thymme wa tip kam ka chnong Myntdu.

Hawa yaklam ka seiñ wa u CEM, neiliang yong oo da ong u wa ini i thmu wow pynmih ya katai ka chnong thymme ym pu em iwon iwon i pyntip lane i thoh cha ka Council tangwa u Dolloi ka Elaka da leh u katkam ka kaamram ka yong oo wow leh ya iwa emkaam.

Advertisement ad1
Advertisement ad1
Advertisement ad1

Neiliang ka seiñ da lyngngoh ko wa kat ka chnong wa thymme da toh u pynbna paidbah wow pynche wei wow pynsñiawthooh paidbah wa khamtam boon u pood dang haap hapoh ka chnong Khliehtyrchi.

Chooh chooh da ong u wa phylla chooh chooh wa neiliang ka Dorbar Chnong Khliehtyrchi ym tip ko iyi iyi hajrong ini i kaam wei ini man ko iyi iyi wa pynyoo wa kat u Dolloi leh ym burom de u ya ka dorbar chnong wei ka seiñ ka dawa ko wa u Dollo toh u pynche u hajrong itai i thmu wow pynmih ya kani ka chnong thymme.

Advertisement ad1
Share this:
Previous

Ya phyllu ka MLCU ya ka mang tangka ka jylla Meghalaya

Next

Da ekti ya ka bui yong ka takit hajrong ki kaam ka MeECL