Ka Hynniewtrep Integrated Territorial Organisation (HITO) Jowai Circle, ynnin ka sngi da lai yachem ko wa u MDC, u A. Shadap uwa man leh u Chairman ka chnat Political, yow pynkynmoo ya ki kaam wa dang sahteiñ heiyatoh wa u pood u ang ka chnong Jowai.
Katkam ka chithi wa da yoh jubab na ka Council, ong ki wa i pynbait pood man i iwa dang sahteiñ hadooh katni, neidaw wa ki kattu katni ki dorbar chnong wym em mih ki chakhmat.
Kamtæ ka seiñ da dawa ko ya ka Council wow e noh ko da ka hukum deilang i booh por ya ki waheh chnong khnang yow lai bait ki kaam yow lait nei sahteiñ.
Chooh chooh ka seiñ ong haroh ko, hei sakhiat lyngba i em ka synjuk ki waheh chnong ymtoh u tlot ki kaam yong ka chnong.
Ngait skem ki leh deiwa em ka synjuk waheh chnong u man iwa suk u pynbait yow pood u ang ka chnong Jowai.
Discussion about this post