15 49.0138 8.38624 1 0 4000 1 https://wyrta.com 300 0

Dawa ka HYC Block-I Unit na ka soskar wow pynneh ya u BDO ka Laskein Block

0 Comments
Advertisement ad1

Jowai: Ka seiñ Hynniewtrep Youth Council (HYC) Block -I Unit da pynsñiaw ko yei sñiawsih wa i sñiaw diaw hadien wa yoh yutip wa ka soskar da em ko i thmu wow kyrriahkaam ya u Block Development Officer (BDO), yong ka Laskein C&RD Block West  Jaiñtia Hills District, u F.B. Basan, MCS.

Neiliang u President ka HYC Block-I Unit, u R. Lamare da ong wa kamwa man hi katni ym pu jooh rap yoh kam uni u BDO, uwa chim sakhiat yaka lyngkor wow kit wow bah ya ka khia ka chon yong ki paidbah khamtam ya ka kaam pood kaam saam ha katai ka Block kawa kiwa boon hi ki chnong ki haap ki ha ki thaaiñ khappood wa ka jylla Assam, heiwa uni u sahep man u uwa smat hadooh kattæ wow yarap yaklam ha kiwon kiwon ki por wa wan pyndik ka Assam man ki por.

Advertisement ad1

Neiliang ka seiñ da ong ko wa uni u sahep man u uwa kreh chitom sakhiat neibynta ka jaitbru, kamtæ neiliang kiwa yahkhmat wa ki dkhot ka HYC Block-I Unit, da kyntu joor ki ya ka sorkar wei khamtam leh ya ki MLA yong ka thaaiñ kiwa kynthup ya u MLA ka Mowkaiaw u Nujorki Sungoh, u MLA ka Raliang u Comingone Ymbon kamjooh leh ya u montri rangbah wa kiwi de kiwa em ha i bor wa ki toh u pynneh chwa ya uni u sahep sorkar, khnang wow yoh u yasaaid wei wow pyndep ya ki kaam kiwa dang boon kiwa e myntoi yaka jylla wa ka jaitbru hi waroh.

Advertisement ad1

0 Comments

Leave a Reply