15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka HYC & HANM wow pyndam ya ka Ynñiawmer Weighbridge

0 Comments
Advertisement ad1

Jowai: Ki ar tylli ki seiñbhalang wa kynthup ya ka HYC waka HANM da pysñiaw ki yei sñiawphylla yong ki yei leh ka sorkar jylla heiwa kyrriah ko chibet neiwi cha iwi i thaw ya ka Weighbridge iwa da pynkulmar ya ki paidbah khamtam ya kiwa yah tuck iwa da poi ya i kulmar neipor cheipor.

Ki ar seiñ da pynkynmoo ki wa ha ka 26 tarik uni u bnai wa da dep, da mih i kulmar hapyrdi kiwa yah truck wa kiwa kreh ka 7th Mile Weighbridge heiwa kini ki ar seiñ leh da kylli ki wa iyi mut ka sorkar wow pynmih boon tylli ki Weighbridge hawa tang kawi leh ym ye ki pyllai bait.

Neiliang u Vice- President yong ka HANM u N.C. Shadap da kylli u ya u HDR Lyngdoh uwa pait ya ka tnat Transport, kammon hoi hi mo u leh katwa ngait hi-eh yow yoh myntoi ki wi næ arngut khlem da pyrkhat de kammon u booh ya ka Entry Exit point ha pyrdi ka jylla?

Neiliang u President ka HYC, u Damanleki Lathong da ong u wa u Secretary ka tnat Transport toh u pynche u wa heiwon i rukom wow thaw khia yow lait u mih i kulmar i awri awra khnang yow mih ka chong suk chong saiñ hapoh ka jylla wei wow pyndam noh ya kani ka Weighbridge.

Da ong ki ar seiñ leh wa ka sorkar ymtoh u pait chilliang ko wow e Weighbridge kat cha wa yoh wow pynboon ya ki wei kamjooh pynku dor ya ki mar iwa pynchitom ya kiwa dooh wa duk.

Ki ar seiñ leh daw phah ki ya ki dorkhat cha kiwa toh u pait ya ini waroh.

Share this:
Previous

3000 tylli ki symbe Dakha pyllait ka JFA Elaka Raliang ha Wah Myntang

Next

Ka General Meeting ka Seiñ Kyntu Seiñ Raij 12 Dolloi