Shillong: Ynne ka sngi ka HYC Ri-Bhoi District da lai yachem ko ya ka DC wa u SP ka Ri-Bhoi District hajrong i chah thombor u Micheal Warjri uwa man kam u Secretary ka Hima Nongspung.
Ka seiñ da dawa ko wa ka DC wa u SP wow chimkhia ki ya ka FIR wa da e da ka Badarilin Rani kawa man ka khon u Micheal deiwa kem lut ya waroh kiwa thombor ya u Micheal wa ya ka yung yong oo.
Da dawa leh ya ka sorkar Meghalaya wow pynlait noh ya u Micheal neibhah wa da chah kem u ha ki pulit Assam neibhah kammon wa ye ki wow wan kem bru na Meghalaya.
Kam wow pynkynmoo u Micheal da ujor mukotduma u ha Meghalaya High Court wei ka yung kasari da pynsangeh ko yei kreh sarok da ka Assam tangwa ka Assam da tyngkheiñ ko yeini. Kamtæ ka seiñ da dawa ko wa ka DC toh u pyntip ko yeini cha ka yung Kasari.
Neiliang ka seiñ da dawa ko wa u SP wow booh noh u ya ka Police Out Post ha ki thaaiñ New Balakhwa wow yada ya ki bru ka thaaiñ.
Discussion about this post