15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Dawa ka HYC-War Jaiñtia wow pynbiang Bus ya kiwa daw lai thoh Exam

0 Comments

Jowai: Ka Hynniewtrep Youth Council (HYC) War Jaiñtia Circle hapoh i yahkhmat u Publicity Secretary u Riki Mukhim ynnin ka sngi da phah dorkhat ko cha u montri ka sorkar MDA uwa pait yei puræ puthi u Lahkmen Rymbui hajrong i dawa wow booh kari (Bus) yaki khynnah puræ ka War Jaiñtia kiwa daw lai thoh Exam neibynta ki Subject wa dang sahteiñ haka 8,9,10 tarik u bnai June 2020, kiwa da pynpep chwa neidaw wa em i khang chnong ha ka ri India waroh kawi wow yada na ka khlam COVID-19.

Da ong wa kamwa man kattæ ki khynnah puræ chem ki yei eh wa hap ki u mih na chnong u lai thoh pyndep yaki Exam cha ki Centre waphær waphær yong ki, khamtam kitu wa wan naki yung wa dooh waduk neidaw wa syad bai kari ware nadooh wa sdang kani ka khlam COVID-19.

Hajrong kani ka phang ka seiñ da kyntu joor ko ya u montri ka chnat puræ puthi u L. Rymbui wow sñiawbha u wow booh daka Bus haki thaw wa pynman Exam kam ha Nongtalang Centre wei kamjooh u booh leh ha Amlarem neibynta kitu ki khynnah War Jaiñta ki wow li thoh Exam cha Jowai wei cha Shillong khnang waki khynnah War Jaiñtia u lait ki nei eh wa boonjait.

Previous
Next

0 Comments

Leave a Reply