theme-sticky-logo-alt
theme-logo-alt
Advertisement ad1

Dawa ka HYC wow chah noh u su bai bordiñ Online ha Khliehriat

Ka seiñ HYC East Jaiñtia Hills da dawa ko wow pynkrehkaam yaka Online Bill Payment yow su ya ka bai bordiñ heiwa ka seiñ da yachem ko ya u SDO yong MeECL Khliehriat Division hajrong ini heiwa da dawa leh wow chna saad ha i thaw su bai bordiñ wa em ha ka yung krehkaam ka MeECL Khliehriat Division.

Ka seiñ da ong ko wa deiwa ye u leh deiwa su Online daw pynsuk ko ya ki paidbah nei boonkaam wei wow pynlut yei por yong ki neibhah ha ka pyrthai wa katni boon kiwa em ya ki Smart Phone wa tip u su Online tangwa toh u pynneh hi deiwa su da ka poisa neibhah dang em ki wym tip u leh Online.

Ka seiñ da dawa ko leh wow pynchna smat ya ka saad ha ka thaw su bordiñ wa em ha yung krehkaam ka MeECL Khliehriat Division yow lait ki paidbah u maad yei eh heipor wa slap wei hawa chit ware ka sngi.

Kamwa man katni ya i su bordiñ Online toh du neibynta kiwa pynemkaam bordiñ wa em ha Shillong, Nongpoh, Jowai, Sohra, Nongstion, Mairang, Williamnaga wa Resubelpara katwa kiwi ye ki wow su ha ki CSC Centre.

Advertisement ad1
Share this:
Previous

Paan yarap ka yung na ki paidbah wow chem biang ya u Paya Chantre Niangti

Next

Da chem ya kawi ka Debit Card na ka ATM ka IDBI Bank wa em ha Ladthadlaboh