Ka Hynniewtrep Youth Council (HYC) da ujor ko ha Lumdiengjri Police Station yow dawa Register ya ka FIR pyrchah ya u Sushil Guru wa uwi u YouTuber wa tip kam u Raghav Sharma yeiwa klam ki da ki kyntien wa pyndooh burom ya ki jaitbru ri-loom wa em ha Meghalaya.
Ini toh hajrong kawi ka Video wa da pynmih ha YouTube heiwa uni uwi u bru wa man kam u Astrologer da kam u wa ha Meghalaya ki jatibru ri-loom yong ka hadooh katni dang kñia ki da ki bru wei baam ki leh yei doh bru.
Ka HYC da ong ko wa ymtoh wow e laad wow pynpoor kam ini i klam thok khlem da pynchitom ya kiwa emkti neibhah kiwa ngiat yeini daw chah yahbakla ki.
Chooh chooh da ong wa ini ye ko wow wanrah yei kynaad wei wow pynthut yei suk i saaiñ.
Da ong leh wa ini toh iwa man pyrchah ya ka kyndon Section 196 ka Bharatiya Nyaya Sanhita, 2023, kamtæ ka HYC da dawa ko wow pynsmat ki pulit yei kaam deiwa Register Case pyrchah ya kini ki ar ngut.
Ka FIR toh kawa da e nyngkong da u Enlang Sawian ha Lumdiengjri Police Station pyrchah ya uni u Guru wa uwa em ya u YouTube Channel heiwa yei Video da pynmih ha ka 13-06-25.
Uni u Guru da pynbaad u wa em iwi i chnong ha Meghalaya wa dang kñia bru ki wei hadien wa kñia da saam yei doh bru kamwa saam Prasad heiwa da baam ki da kini ki jaitbru ri-loom.
Discussion about this post