15 49.0138 8.38624 1 0 4000 1 https://wyrta.com 300 0

Dawa ka JAC wow khang yei challan masi tooh cha Bangladesh

0 Comments
Advertisement ad1

Jowai: Ka Joint Action Committee (JAC) yong ki seiñbhalang waphær waphær hapoh ka Jaiñtia Hills wa kynthup ya ka JYF, JSU, JSM, HYC, HNPF, RJYF, AJHSWO, WJNC, JNPO, NWYF, AMPO wa kiwi kiwi, da rai ki wow thoh cha ki bor District ka West Jaiñtia Hills wa East Jaiñtia Hills District hajrong i challan tooh ya ki masi wa lai lyngba ka sarokbah NH-44.

Ya kini ki masi da chem hadien wa da em i sma pyut ki masi wa da yap wei da noh taroi ya ki harood sarok NH 44 heiwa da ujor da kiwa boon ki paidbah wa lai wa wan na kani ka sarokbah.

Advertisement ad1

Ka JAC da ong ko wa ymye wow tip yi wa emkti tangwa man i iwa sñiawkhia wei da suba wa lyngba i khayi ya ki masi daw yohlaad leh wow challan ya kiwi ki tiar tooh kam i Drug, i ksiar wa kiwi kiwi ki mar wa man pyrchah ya ka aiñ.

Kamtæ ka JAC da kyntu ko ya ki bor wa pait ya ka aiñ wow man ki kiwa paitsiar bha wei lada chem ya kiwa challan tooh ya ki masi lyngba ka NH 44, kam ki bor District toh u tip ki neiwon wa thied ya ki, wei cheiwon u dai ya ki wei lada i pynlai ya ki man i katkam ki kyndon ka Section 11(i) (h) PCA ACT 1960.

Chooh chooh da kyntu wow takit bniah hajrong kani ka kaam wei wow leh yeiwa emkaam deiwa maham leh ya kiwon kiwon kiwa leh pyrchah heiwa daw kem ya ki wei daw ekti won ya ki cha ki bor ka aiñ wow pynchitom ya ki.

Kani man ko katkam ka wyrta wa phah da u Chairman ka JAC, u O.L. Tariang wa u General Secretary, u J. Shylla.

Advertisement ad1

0 Comments

Leave a Reply