Dawa ka Jaiñtia Joint Action Committee on Border Issue wow booh Police Outpost ha chnong Lapangap

Ka Jaiñtia Joint Action Committee on Border Issue ynne ka sngi da lai e ko dei thoh cha u DC ka West Jaiñtia Hills heiyatoh wa i kajai thaw hapoh ka chnong Lapang wa ki Karbi ka Assam.

Neiliang ka Committee da ong ki wa i yaknieh thaw hapyrdi ki Pnar wa chong wa sah ha Lapangap dang pteiñ i wa ki Karbi ka Assam wot hadien wa da yaklam da boonsien hapyrdi ka sorkar Assam wa Meghalaya wei ini da jia i neidaw wym chem neiwon sdang wei heiwon kut u pood.

Da ong leh wa ini wym ye wow pynbait ya u pood da pynman ko ya ka kam ka seiñ Karbi Student’s Union wow toor ki cha ki thaw ki bhaw wa man ki yong ka chnong Lapangap wei ini da yoo biang wa jia i ha ka 25 tarik uni u bnai.

Related posts

Yap uwi hadien wa tyrrah ka Truck ya kawi won hadooh wa kylla ha u NH6

October 12, 2026

Deiwa bood ki luti ki warim lai kjat ka Tuber Kmai Chnong cha Iawmusiang | Da thied leh ki mar yow pynku ya ka yaaw

October 12, 2026

Kamtæ da ong wa emkaam wow pynneh pynsah kamwa man kattæ namo ka Status Quo wei neiliang ka sorkar Meghalaya leh hap ko wow booh ya ka Police Outpost ha chnong Lapangap deiwa booh leh chiboon ki pulit katkam wa yoo emkaam neibynta i bha i miat yong kiwa chong chnong.