Ka Jaintia Joint Alliance (JJA) wa kyntup ya ka seiñ War Jaintia Students’ Union wa ka Jaintia Youth Federation da thoh ki cha u Montri Rangbah ka jylla, u Conrad K Sangma deiwa sñiawkhia ko yei kamtre u Montri Rangbah ka Assam, u Himanta Biswa Sarma ya ka Block-I wa Block-II kawa jooh em hapoh ka United Khasi-Jaintia District kam ka thaw ki Karbi Anglong, wei ka Assam daw pynyieñ ko ya ki khilon pood yow pynsakhiat yeini.
Ka JJA da ong ko wa ini man ko kamwa yoobeiñ wei wow booh hei maa yei mantre yei thaw i bhaw ki Khasi-Jaintia heiwa da chah kam i thaw da kawi won ka jylla.
Kamtæ da kyntu ya u Conrad kamjooh ka sorkar waroh kawi wow e jubab ki yeini wa ong u Montri Rangbah ka Assam wei lada ym leh yeini pynyoo ko wa ka Meghalaya ym em man ko kam ka jylla wa pura wei du kam kawa dang em hapoh ka Assam donhi iwa kam ki jaitbru Khasi-Jaintia ym ye ki wow pdiang yeini.
Neibhah kam ka jylla ymtoh wow e laad yei thaw i bhaw yong ki longchwa manchwa wow chah chim ha kiwi, kamtæ ka sorkar Meghalaya toh u chimkhia ko yeini.
Discussion about this post