Ka Jaiñtia Coordination Committee for Reservation Policy (JCCRP) ynne hawa chong yachemlang, da pynsñiaw ko yei wym sñiawhun ya ka Report ka Expert Committee hajrong ka Reservation Policy ka Meghalaya.
Hajrong ini, ka JCCRP ong ko lada pynku 47-50% kamwa da em kiwa dawa wei lada leh kamni kiwi ye ki wow lai cha ka yung bichaar wei ye leh wow dooh yei bhah wa da yoh kattæ tangwa toh wow phiah thymme ka katkam ki Autonomous District Council.
Ha kani ka yalang ka JCCRP da emlang waroh ki seiñgbhalang kiwa em hapoh ka satri yong ka JCCRP ryngkat wa ki bru wa chemphang napoh Ri-loom Jaiñtia wow dawa yei hok ki khon ka Ri-loom Jaiñtia deiwa pynchong yurim hajrong ka Constitution yong ka ri India kawa da bynta katkam ki le tylli ki District Council kitæ ka JHADC, KHADC wa GHADC.
Da dawa leh na ka sorkar MDA wow leh ya ka Socio and Economic Survey ha waroh ki District Council kamwa da tyrwa ka Expert Committee yow chem ya kiwa dang sahdien heiwa ka Report da ong ko wa ka Reservation Policy man ko neibynta kitu kiwa dang sahdien.
Discussion about this post