Dawa ka JCOMSWA na ka sorkar wow pynemkaam yei bor yow wai biang yei tih mooyong

Ka seiñ thymme wa tip kam ka Jaintia Coal Owners, Miners, Suppliers & Workers Association (JCOMSWA) da thoh ko cha u Montri Rangbah ka jylla, u Conrad K Sangma wow ong wa ha East wa West Jaiñtia Hills Districts da kiwa boon ki rta da chaniah ki ha u mooyong yow im ja neibhah ka rep ka riang ym ye ko wow kyrchaan ya ki waroh chi snem nei rukom man ka thaw ka bhaw wei deiwa em u mooyong da ye wow pyndap yeiwa emkaam nadooh kiwa khian wa nai hadooh kiwa khih mylla, kiwi yah Truck wa kiwa khayi nadooh na Khliehriat cha Amlarem.

Da ong wa nadooh ki yung skur wa da chna hadooh i pynman bia da ye wow leh da ka poisa wa mih na u mooyong kamjooh hawa emkaam yei sumaar sukhær tangwa nadooh wa chah khang ha ka National Green Tribunal ha u snem 2014 i chah ktah man i i wym ye de u batai.

Ki tre paar ym yoh de ki wow pynemkaam ya u mooyong, ym ye ki leh wow dai wow tih, u tre Truck won da hap u wow dai em won kiwa da chah ieh hadooh wow sap sarah khlem em de da kiwi ki laad u khih u kreh.

Da em leh ki manyung kiwa da hap phah ya ki khon ki kti ki cha baar jylla heiwa da em leh kiwa chah chim kabu wei da hap leh ki yeini neidaw wa i khih i khan wa jooh leh ki kam ka yung ka sem da chah khang i. Wei kiwa chah ktah dooh toh ki khynnah kiwa da hap wow dam skur. Ini waroh da wanrah ko leh yei ku ki kaam pyrchah aiñ.

Related posts

I pyntip wa emkaam cha ki Home Guards

May 13, 2026

Toh u chibynta da waroh ha ka sngi kyrpang ki Nurse yow tiplang yei krehkaam ki: Wailadmiki

May 13, 2026

Heijooh i por leh da ong ka JCOMSWA wa ym ye u len yei chah ktah ki um ki wah nei tih khiar ya u mooyong khlem da em ki kyndon heiwa ki wah kiwa jooh jngiar kattæ da kylla rong ki nei leh ka Acid Mine Drainage na ki krem mooyong kiwa da chah ieh khlem kreh. Wei ki manyung wa pynemkaam ya ki um na kini ki wah leh ym ye de ki wow yoh umdih. Kiwa rep leh chajan ki thaw tih mooyong da yoo ki yei chah ktah i khyndaw. Neitæ ki dakha leh da wiar ki na kini ki wah wa chah ktah kiwa jooh man kam kiwa pyndap yei baam wa emkaam.

Kamtæ da ong wa i dawa ymtoh yow leh biang kam nachwa khlem ki kyndon khlem da bood ya ka aiñ wei klem da pyrkhat ya kiwa tih mooyong neibhah da yoo ya kiwa dadep jia. Iwa kwah toh wow pynkut noh yeini i chem chitom ki paidbah wei kam ka sorkar em ko yei bor wow wanrah yei kylla yow tih ya u mooyong deiwa chngaaiñ deiwa ye u burom ya ka rymaw wei yow yoh biang u im ki bru ka Jaiñtia Hills deiwa em burom.