Ynne ka sngi, ka Jaiñtia National Council-Nongkhlieh Circle hapoh i yahkhmat, u President, u Nikki Sutnga da lai ki wow ujor cha ka yung krehkaam u SDO ka MePDCL Khliehriat Division hajrong i baam sarah uwi u chrot bordiñ uwa ye wow kheiñ ha iwon iwon i por.
Uni u chrot bordiñ toh uwa em ha ka chnong Moolasngi, Elaka Nongkhlieh, East Jaiñtia Hills District wei da dawa na u SDO wa toh u lai kylliang noh smat ya utai u chrot bordiñ uwa da booh hei maa hadooh kattæ kattæ yei lai i wan ki bru.
Ka seiñ da kyntu joor ko leh ya kiwa toh u pait ya ini i kaam wow lai pait khnang ya kam kini ki chrot wa da rim wei wow kylliang noh smat yow lait na iwon iwon i jia wa sñiawsih.
Chooh chooh da ong wa ymtoh u yang hadooh wa em iwa jia wa sñiawsih yow leh yeiwa emkaam tangwa wow yada yeiwa jia wa sñiawsih.
Ka seiñ da dawa ko leh wow booh ya ki Street Light ha katai ka Elaka neibhah wa dang boon ki thaw ki wym em Street Light khnang yow suk ki bru hei lai i wan.
Discussion about this post