Ka Youth Development Cell yong ka East Jaiñtia Hills District Football Association (EJHDFA) ynne da sdang ko yaka lympung yalehbol ka Under-16 Boys heiwa da em 24 tylli ki liang na kylleiñ ka District kiwa da wan chibynta.
Ka yalehke toh kawa da pynman 35 minit chi kylla wei da sdang ynne da soo tylli ki yalehke.
Ha ka yalehke wa nyngkong, ka Dkhiah West da jop ko yaka Khliehriat East da 4-0 da ki kool wa thap u Duni Dkhar haka minit wa 3, u Arki Phawa haka minit wa 23, u Shameki Dkhar haka minit wa 26 wa u Arki Phawa.
Ha ka yalehke wa ar, ka Diengchynrum da jop ko yaka Ace FC da 5-0 da ki kool wa thap u Timing Lyngdoh haka minit wa 20, 30 wa 47, u Victor Rymbai ha ka minit wa 55 wa u Bretly Lyngdoh ha ka minit wa 67.
Ka yalehke wa le da kut da 0-0 hapyrdi ka Moopala SC waka Cheruphi SC.
Ha ka yalehke wa soo won ka Rymbai Wahchnong da jop ko yaka Umlawang SC da 2- 0 da ki kool wa thap u Elvinstar Swer haka minit wa 39 wa u Verdictson Swer haka minit wa 67.
Ki yalehke wa bood daw pynman ha kani ka 30 tarik da soo tylli biang ki yalehke.
Discussion about this post