Ka Jaintia National Council (JNC), Khliehriat Circle da lai yachem ko wa u Executive Engineer ka PWD Khliehriat Division yow pynsñiaw yei joor sih ki sarok chnong Khliehriat iwa da ktah yei lai i wan ki paidbah man-ka-sngi.
Da ong leh wa kiwa lai kjat nadooh ki khynnah skur, ki paidbah, kiwa da heh rta wa kiwa kjut chitom da chem chitom ki hei lai i wan wot hadooh ki kari khamtam heipor slap neidaw wa chlai wei sahkut ka um ha sarok wei man i leh iwa maa wa ye u wanrah yei tyrrah kari wei ini waroh booh ko hei maa wei da pynthut ko ya ka yoh ka kot ka imlang sahlang.
Chooh chooh da ong wa katkam ka PWD Works Manual wa ki kyndon wa da booh, ka chnat toh u kitkhlieh wei u pait u sumaar wei pynbha smat ya ki sarok sorkar khnang yow man i lai i wan iwa chngaaiñ ya ki paidbah.
Da kdaw leh wa hapoh ka Article 21 yong ka Constitution ka ri, i sih ki sarok da ktah ko yei hok ki paidbah.
Kamtæ da kyrpaad wow lai pait yei long i man ki sarok hapoh ka chnong Khliehriat, u pynkhreh pynchna noh ya ki sarok deiwa siang psiang khlem da pynslem wei wow booh dei por mynnu u pyndep yei kreh.
Discussion about this post