Nadooh u 2021 da chem 658 ngut ki Bangladeshi wei da pynliwan ya ki 194 ngut: Prestone

U Deputy Chief Minister wa pait leh ya ka chnat Home (Police), u Prestone Tynsong ynne da ong u wa da kem 658 ngut ki Bangladeshi nadooh u 2021 heiwa 194 ngut da pynliwan hadien wa pynchitom ya ki.

Yeini da jubab u yeiwa kylli u MLA ka VPP na Mawryngkneng, u Heaving Stone Kharpran, heiwa u Prestone da ong u wa da booh ya ki thaw wow kynreh wei wow kem ya kiwa na baar ri.

U Prestone da khana u leh wa em 18 tylli ki Anti-Infiltration Check Post, Gate wa ka Land Customs Station ha ki thaw wa emkaam ha khappood wa ka Bangladesh.

Chooh chooh da khana u wa em ki Anti-Infiltration Special Squad ha waroh ki District kiwa pynman yei kynreh syndet kamjooh i kreh chirup wa ka chnat Labour Department, ki Village Defence Party wa ki bor chnong. 

Related posts

Ki jylla ym ye ki wow kah ya ki luti wa lai ki hati hanla chah ktah u bru hadooh ki thaw rep: SC

August 18, 2026

Khang ki khynnah kynthai da u sarok neidaw wym em biang ka skur ki

August 18, 2026

Da khana u wa ka sorkar da booh ko 11 tylli ki District Task Force wow kem wei pynliwan ya ki baar ri wa psiah tooh cha Meghalaya.

Heijooh i por da khana u wa nadooh u 2021 hadooh 03-02-2026, da chem ya 658 ngut ki Bangladeshi wei da pynliwan ya ki 194 ngut hadien wa pynchitom ya ki wei hadien wa yoh ya ki kot kam ka Travel Permit na ka Bangladesh Embassy.

U Prestone da khana u wa ka Meghalaya Resident Safety and Security Act, 2016, da krehkaam ko ha East Khasi Hills, wei da pynkrehkaam leh ya ki kyndon ka Immigration and Foreigners Act 2025, kamjooh ka Bharatiya Nyaya Sanhita wa ki kyndon ka Ministry of Home Affairs.