Dawa ka JNC wow pynchna ya ki sarok chnong ka Khliehriat

Ka Jaiñtia National Council (JNC) Khliehriat Circle, ynne ka sngi da lai yachem ko wa u Executive Engineer deiwa e dei thoh wow dawa pynchna noh ya ki sarok pohchnong (Internal Road) ka chnong Khliehriat (West wa East) kiwa da sih bha.

Ka seiñ hapoh i yahkhmat u President ka Circle, u Shanborlang Bamon hawa yachem wa u EE da pynsñiaw ko yei sñiawkhia hajrong i sih palat u sarok chnong wei kam ka chnong wa man kam ka Headquarter ka District, katwon tam i sihdur hawa pait yei sih u sarok wei katwon leh booh ko hei eh ya ki pli ki khynnah skur wa kiwa kjut chitom.

I sih sarok ymtoh i eh du ya kiwa chong chnong tangwa da ktah lut ya kiwa boon ki chnong kiwa lai emkaam neibhah ha kani ka chnong da emlut waroh ki chnat krehkaam ka sorkar wei lada kani ka chnong ym chngaaiñ ko hei liang u sarok tæ katwon tam booh ko hei eh ya ki paidbah, da ong u President ka Circle.

Ka seiñ da pynsñiaw ko leh wa la katwon sien wa yoh u sakhi yei takhooh kari wa man-i-por wei ini da booh ko leh hei maa ya kiwa lai wa kaap, ka seiñ da booh ko yei kyrpaad ya u EE wow leh smat yeiwa emkaam khnang wow wanrah biang i suk i saaiñ ha ki sngi wow wan neibhah lada ki sarok hi man ki kiwa chngaaiñ, ki paidbah leh chngaaiñ ki.

Related posts

Nadooh i kynmoo warom ya kiwa yap heipor Election, i tba u Modi yei kjat uwa 98 snem ha ka baam smai u CM wa thymme ka West Bengal

May 9, 2026

Da e kti ya ka Work Order wow chna pynheh ya ka Umroi Airport | Da yoh leh u sarok thymme

May 9, 2026

Neiliang u EE da kular u hakhmat ka seiñ wow leh yeiwa emkaam wei da ong u leh wa daw chna noh ya ka Estimate neibynta i emkaam wow pynlut yow chna ya ki sarok chnong wei daw phah leh cha ki bor kiwa hajrong wow leh yeiwa emkaam.

Ka seiñ sñiawngooh ko ya u EE wa da smat u wow kular wow leh yeiwa emkaam khnang wa i myntoi hi toh ya ki paidbah.