15 49.0138 8.38624 1 0 4000 1 https://wyrta.com 300 0
Advertisement ad1

Dawa ka JNC wow pyndooh i e ST Certificate ya ki baar jylla hapoh EJH

0 Comments

Jowai: Ka Jaiñtia National Council ynne ka sngi hapoh i yahkhmat u Wanshwa S. Suting, President JNC wa u Allmiki Ryngkhlem Vice President JNC, hadien wa da yoh ki ya ka ujor na ki paidbah wa boon wa lang wa em ki baar jylla wa em dukan hapoh ka thaiñ East Jaiñtia Hills da ye ki u yaleh wow yoh Schedule Tribe Certificate lyngba ka Online Application wei da pdiang leh ya ini iwa yaleh ki, neiliang ka seiñ da ong ko wa ini da man i kam wa knieh khih knieh khan na ki tre jylla wei kawa da booh leh yei maa ya ka jaitbru yong kiwa khian paaid.

Ka seiñ da ong ko leh wa lada ini i yohlaad wow pdiang ya kini ki Online Application u pteiñ i, daw poi i por wa ki baar jylla daw chim kabu ki wei daw pynemkaam bakla ki ya kini ki Scheduled Tribe Certificate.

Ka JNC dei sñiawkhia ya ini i kaam da lai yachem ko ya u Deputy Commissioner ka East Jaintia Hills, wow paan pynche wei wow chem yeiwa sakhiat tangwa neiliang ka yungkrehkaam u DC da ong ki wa ym em yoh yutip ki chaphang ini waroh. Da pyntip leh cha ka seiñ wa katkam wa man katni da em 23 tylli ki Common Service Centre kiwa ka yungkrehkaam u DC tipmit ko kiwa yarap ya ki bru wym tip u leh ya kani ka Online Application.

Neiliang ka JNC da la kyntu joor ko ya ka yungkrehkaam u Deputy Commissioner wow man ki kiwa bniah wow sylli ya ki kot ki sla kiwa yaleh Schedule Tribe Certificate wei wow khang leh chisyndon ya ki dukan ki baar jylla wei wym toh leh u pdiang ya kiwa yaleh Schedule Tribe Certificate online.

Ka seiñ da kyntu ko wow pynboon chooh chooh ya ki Common Service Centre hapoh ka thaiñ East Jaiñtia Hills khnang wow pynsuk khamtam ya ki chnong wa cha nongkyndong wei wow pyntip paidbah leh ya ki kot ki sla wa emkaam hawa yaleh Scheduled Tribe Certificate lyngba ka Online.

Advertisement ad1

0 Comments

Leave a Reply