Ka seiñ Jaintia People’s Rights Forum (JPRF) da thoh ko cha u SP ka East Jaiñtia Hills yow pynman yei takit wa pliah, u pynngat ha ki kyndon wa toh rukom yow pynyoh yei hok u Kyrshan Lamurong uwa da chah pynyap hadien wa chah tooh ka kari u.
Da ong wa ini wa jia ya u Kyrshan toh iwa sñiaw chyrkhei heiwa ki le ngut kiwa da chah kem kiwa da suba wa leh yeini i kaam da lai murieh ki leh yei metyap hapoh kawi ka krem mooyong ha chnong Rymbai dei thmu leh wow murieh yei sabut.
Ka JPRF da ong ko wa ini i yap wa khlem tohpor u Kyrshan da ktah ko chiboon ya ki khon ki kti u kiwa em 6 ngut heiwa oo samen toh uwa kamai ha kani ka yung wei da sah samen ka kurim u.
Kamtæ da dawa ya ki bor ka aiñ wow leh ki yei kaam wow pynyoh yei pynchitom ya kini ki le ngut kiwa chah kem deiwa khor yow pyntikna wa u Kyrshan wa ka yung ka sem u yoh ki yei hok.
Discussion about this post