15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka JSM-CB wow chna pynmiat noh ya u sarokbah na Thadlaskein hadooh Mookyndur

1 Comment
Advertisement ad1

Jowai: Ka seiñ Jaiñtia Students Movement-Central Body (JSM-CB) ynne ka sngi da e dorkhat ko ha u Deputy Commissioner ka West Jaiñtia Hills hajrong wa sih ware u sarokbah na Mookyndur hadooh Thadlaskein.

Ka seiñ ha ka dorkhat da ong ko wa u sarok man u uwi na ki laad wa pynyabi ya ka jylla wa waroh kawi ka ri khamtam u sarokbah wa lai lyngba na Ri-loom Jaiñtia ya uwa tip kam u NH-6 wa pynyabi ya ka jylla Assam, Tripura wa ka Mizoram.

Ka seiñ da ong ko wa katkam wa man katni i bynta uni u sarokbah khamtam na Thadlaskein hadooh Mookyndur da man u uwa sih wei da dap du da ki thlu donhi.

Chooh chooh da ong ko wa i man i long uni u sarok da wanrah i chiboon i sah kari ha tymbud uni u sarok wei khamtam da booh u hei maa ya kiwa lai wa wan neibhah wa ye u jia iwon iwon iwa sñiawsih neidaw wa sih ware u.

Kamtæ neiliang ka seiñ da dawa ko na ka sorkar jylla lyngba u DC ka District wow chimkhia u chna pynmiat noh ya i bynta uni u sarokbah khnang wow pynsuk ya ki paidbah wa lai wa wan na oo.

Neiliang u DC da kular u wow chimkhia ya kani ka kaam.

Ya kani ka dorkhat da lai e da ka JSM Jowai Circle, da u Dari Pde, Organising Secretary.

Share this:
Previous

Chem metyap ki pulit najan khappood waka Bangladesh

Next

Mih noh u Anu Malik naka Indian Idol 11 hadien wa phah Notice ka National Commission for Women