Ka JSM Ladrymbai Circle da thoh ko cha u DC ka East Jaiñtia Hills District wow chimkhia u yei rukom wai ki Hotel wa em ha Ladymbai kiwa pynemkaam da ki bru wa lai luti kiwa wan naka jylla Assam, Tripura, Nagaland wa kiwi.
Ka seiñ da ong ko leh wa em kini kiwa wan kam na jylla Assam kawa chah ktah bha katni haka khlam COVID-19 kamtæ emkaam bha wa kini ki Hotel wow man ki kiwa khooid yow lait nei poor uni u khñiang.
Ka seiñ da dawa ko na u DC wow phah yaki tre Hotel wow pynkhooid wei wow booh leh ki thaw noh jhep hapoh kamjooh cha lait kini ki Hotel.
Da ong leh wa katkam ka hukum, waroh ki dukan hapoh ka East Jaiñtia Hills u man ki kiwa khang haka sngi Bibar kamtæ kini ki Hotel ha Ladrymbai leh toh u man ki kiwa khang.
Chooh chooh da ong wa neiliang ki tre chnong leh lai ki cha kini ki Hotel, kamtæ emkaam bha u man ki kiwa khooid yow lait u poor uni u khñiang yow lait ki wow rah ya uni u khñiang cha kiwi ki chnong ka District.
