Ka Jaiñtia Students Movement (JSM) da sñiawsih kthang ko wow tip wa chah kem ki soo ngut kiwa kitkaam ka Jaiñtia National Council (JNC) ha ki pulit ha i janmiet ka 30 tarik ha Elaka Sutnga.
Kini ki heh ka JNC da chah kem ki katwa dang lai ki wow e mynsien ya ki paidbah wa chong chnong ka Daistong wei pynsñiaw yei pyrchah ya ka Public Hearing ka Shree Cement Ltd. ya kawa da pynman ynne ka sngi.
Kiwa kitkaam kiwa chah kem man kamni ha wah:
1. U Sambormi Lyngdoh – President, JNC
2. U Wanshwa Suting – General Secretary, JNC
3. U Allmiki Ryngkhem – Assistant Secretary, JNC
4. U Hillarius Siangshai – Executive Member, JNC
Ka JSM da ong ko wa ini i kem ya kiwa kitkaam ka JNC man i pyrchah yei hok i synchaar paidbah wei man i leh i kaam thombor ya ki paidbah kiwa pynsñiaw yei pyrchah ya ka Shree Cement ha Elaka Nongkhlieh.
“I kem ki bor District ya kitæ kiwa kitkaam ka JNC, man i iwa tooh noh yei hok yong ka imlang sahlang katkam ka riti synchaar yong ka ri India, pyn da ki bru ka aiñ wa tyngkheiñ ki ya ka aiñ ka ri” da ong ka JSM.
Hajrong ini da dawa joor na ka sorkar næ ki bor District ka East Jaiñtia Hills District wow pynlait noh wut-wut kamjooh wow pyndam noh ya waroh ki Case khlem da booh kyndon pyrchah ya kini ki soo ngut.
Lada ki bor District ym pynlait ki ya ki hapoh 24 kynta, daw pynman ka JSM da i yakhih paidbah wa joor wow dawa pynlait ya ki.
Discussion about this post