Jowai: Ka President ka Women’s Wing (JSM) ka Jaiñtia Students’ Movement ka Bythygrace Dkhar da thoh ko cha u DC ka East Jaiñtia Hills wow khang yei lai i wan ki truck ha ki sngi yaaw ha Khliehriat wa ha Rymbai.
Ka seiñ da ong ko wa ha ki sngi yaaw da man ko kawa chitom ya ki paidbah neidaw wa joor ka sahkut kari iwa da ktah ya ki paidbah kiwa lai wa wan hadooh kiwa wan dei kjat wei da em ki por leh wa da jia ki kaam wa sñiawsih.
Ka seiñ da pachat ko cha u DC wa ki kari wa em 6 chaka chaneiñ kamjooh kiwa kit mar wa khia kiwa wan na Khliehriat wow lai cha Ladrymbai, kiwa lai na Khliehriat cha Lumchnong wa kiwi lai na Rymbai cha Khliehriat wa ymtoh u lai luti ki ha ki por wa sdang skur ki khynnah nadooh 7:30 i step hadooh 9:30 waje i step, ha i por pyrdi sngi nadooh 11:30 hadooh 1:00 i sngi wei hei janmiet nadooh 2:00 hadooh 3:00 i sngi yow chngaiñ ka lai ka wan ki paidbah.
Ka seiñ da kdaw ko leh wa neidaw wa duna ki thaw pynyieñ kari wei wa khian u sarok na Ladrymbai hadooh ha Khliehriat da kyntu ya u DC wow booh ya ki pulit yow pynlai kari katkam ka aiñ.
Khaddooh ka seiñ da ong ko i rukom yah pynhær ya ki kari 12 chaka iwa da wanrah ya kiwa boon ki tyrrah kari emkaam leh wow chimkhia ya ini.
Discussion about this post