15 49.0138 8.38624 1 0 4000 1 https://wyrta.com 300 0
Advertisement ad1

Daw chong pyrkhat ka EC ka JHADC hajrong wow e NOC ya ka V Mart

7 Comments
Advertisement ad1
Advertisement ad1

Jowai: Ynne ka sngi kiwa kitkaam ka JTTA chirup wa ki sahep na ka chnat Taxation wa Market yong ka JHADC da lai sylli ki yei chna ya ka dukan V Mart kawa em ha Ladthadlaboh, Jowai.

Kam wow pynkynmoo heini ka JTTA da pyrchah ko yei e Trading Licence næ NOC ka Council ya kani ka dukan wa heh kawa dai sula wa kiwi kiwi deiwa chim ya ka rai ka Council ha u snem 2014.

Neiliang ka seiñ wa ki sahep ka JHADC hei sonteri ki pulit ka Jowai Police Station da yachem ki wa u tre ka yung wa em kani ka dukan wa kamjooh uwa pait ya ka (Franchisee), u Augustine Sungoh.

Hadien i yaklam, neiliang u President ka JTTA u I. Najiar da ong u wa u tre i yung u Augustine Sungoh da kam u wa i pynlut pynsep na oo, hun wei kmen ki lada ki tre jylla ye ki wow pynlai kat da kani ka yaaw wei ym emkaam hi ki ya ka Trading Licence, wei lada toh wa kam hi-eh u chong i hei mon yong oo.

Chooh chooh da ong u wa lada iwa sakhiat katkam wa kam u (Augustine) ka seiñ kyrpaad ko wow thung da ki tre jylla wot hadooh wow chong ha ki counter.

Ka seiñ da kam ko leh wa ka hi u yieñ skem bait ko katkam ka rai ka Council ha u 2014 wow sangeh u e Trading License cha ki baar jylla.

U Augustine da pyntip u wa ki dukan kani ka Company em ki ha kylleiñ ka ri, wei kani man ko kawa nyngkong dooh ha Meghalaya wei pyntip u wa daw thung kreh pyn da ki bru napoh Jowai wa ri-loom Jaiñtia hi ha kani ka dukan.

Neiliang u CEM ka JHADC, u MB Rymbai hawa yaklam wa kiwa pathai khubor ynne ka sngi ha kamra krehkaam yong oo da ong u wa hadien wa yoh NOC ki na ka Dorbar Chnong, ym man i iwa eh wow e ya ka Trading License cha kani ka Company neibhah nyngkong toh na i bor yong ka chnong.

Chooh chooh da ong u wa lada man i iwa emkaam daw rah u yeini hapoh ka Executive Committee chwa wow chim ya ka rai neibhah wa hadooh katni dang e du ya ka Trading License katwa ya ka NOC won ympu em e ya ka wei hadien wa chong ka EC lada ym yoobiang wot ya ka Trading Licence leh wow pyndooh, neibhah du ka NOC wa em ki kyndon ki aiñ, ym haka Trading Licence.

Advertisement ad1

7 Comments

  • October 24, 2018 at 4:56 pm
    Jowai

    U p/p Augustine sungoh toh u watip blai ymtoh u WA tip bru katwa u maddon Rymbai u cem ka jhadc um m Bor u hapoh district Katwa leh ki waheh chnong hap kohnguh u ka sanad leh dei poisa ioosar bam u te daw Ong u Katwa leh ka chnong ioh double u iosar na kini arliang

    Reply
    • October 25, 2018 at 12:02 am
      Ma jwai

      JTTA khlem kam…kat katu ka dkhar wa Chong buh dukan ym peit ki …ym hoi ia lade te tan ia kiwi..

      Reply
  • October 24, 2018 at 11:58 pm
    Ma jwai

    Kini ka sein JTTA da hoi u chna noh Ko da ka hi ki Sula ki Thad ym boi phah na bar jylla.ne Ri…hei sap u ku ka sor jwai u ioh kreh ioh khih ki khynroo.kat chi ym hoi ialade te ak pliah…m Kam competition se ha Ka market..lada ki hoi daw ku hi sea…ym toh u ksoh ki ia ka iaw ka hat Chong ha ki nongthied katwa ngeit ki sea..Manda m kam kini boi da leit u lai Shillong u thied Sula…chkek ha JTTA da duk Sula hi…I dor cha bnein khyndaw wa pher Wei khwan…

    Reply
  • October 25, 2018 at 4:57 am
    Barris M

    Chna dei TREP..!!

    Reply
    • October 25, 2018 at 12:49 pm
      Dame

      Da ka hero showroom lh ym em pt ki , lh sting bt ka jhadc ha ka trading licen

      Reply
  • October 26, 2018 at 3:49 am
    JowaiWaMaya

    ileh ka Jwai ym m hok ko mo u em ki dukan heh, ki shopping mall kam kiwi ki chnong ne ki sor? khijak pa khijak u pdiang yei wa thymme. Sniawbha ka JTTA ham tuklar ware, yow ku ka chnong wa ,aya i.

    Reply
  • October 26, 2018 at 6:41 am
    Jowai wamaya

    Ileh ka jwai ym m hok ko u ioh ia ki dukan wa bha, ki shopping mall? jtta ham tuklar ware. Pyrchah phi ya ka licence mo pyrchah phi wa teiñ phi ia hiar ka iaw phi? Ka competition emkam ko yow yo i ia ka roi ka par.

    Reply

Leave a Reply