Ka JSU Jowai Circle hapoh i yahkhnat u President u Aplang Lamare ryngkat wa ki dkhot ka seiñ da lai pait ki ya ka Sub Center kawa em ha ka chnong Chyrmang.
Ka seiñ da chem ko wa kani ka thaw da kylla wiar dur ko wei da wiar wa ka Gate, ki naar-chieh leh da sap sarah ki wei i pchem leh da mih phlang mih ranem o wei ki khian-dwar leh da piah ki.
Ka seiñ da yachem ko leh ya u DMHO ka West Jaiñtia Hills District wei da e dorkhat ko leh wow kylli neiyi i daw wa slem wow wai ya ka neibhah wa da dep chna ya ka nadooh u 2014 lyngba ka ka National Health Mission.
Neiliang u DMHO da pyntip u wa hadooh wa man katni ym em uwa sonteri (Chowkidar) wei neiliang ka seiñ da dawa ko wow wai noh ya kani ka thaw khnang wow suk ki paidbah.
