15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka sorkar toh u pait ko yeiwa emkaam sarok ki chnong khappood: JNC

Advertisement ad1

Ka Jaiñtia National Council (JNC) da dawa wei kyntu joor ko ya ka sorkar MDA kawa da yahkhmat da u Conrad Sangma kam u Montri Rangbah, wow man ko ka sorkar kawa pait kawa chynna khmat wei wow chimkhia ya i eh i khoo yong ki paidbah wa chong chnong khappood waka Bangladesh.

“Ka sorkar toh u pynchna ko wut wut ya u sarok Rymbai-Bataw-Borghat-Sonapur ha East Jaiñtia Hills neibynta wow pynsuk ya i lai i wan u paidbah wa boon wa lang cha kani ka thaaiñ khamtam heipor kjut chitom heipor wa emkaam jhan wa kiwi de ter ter. I leh khlot, leh thlah khmat ka sorkar yei man i long wa sih cha wa palat pood uni u sarok hadooh wa ki mrad leh ym ye de ki u lai u kaap ha uni u sarok da pynman ko ya ki paidbah wow takhooh yei eh i chitom wa hadooh kattæ kattæ ha i lai i wan yong ki kiwa wa sah cha khappood ,” ong u W.S. Suting, President JNC.

Da ong leh wa ini i thlah i khlot ka sorkar wow chynnna wow sñiaw yeini i eh i khoo wa takhooh ki paidbah wa chong cha khappood da pynbor ko leh ya ka JAC yong ki 4 Chnong wow  pynman da i yakhih wa jai jai iwa da sdang ynnin ka sngi neibynta wow dawa ya i hok yong ki na ka sorkar.

Neiliang ka Jaiñtia National Council leh dei mynsien wa khia dawa joor ko na ka sorkar MDA wow pynchna smat ya uni u surok wei wym toh u kheiñstiñ ya ini i dawa ka JAC ki 4 chnong wa man leh i thrang i dawa ki paidbah wa boon wa lang kani ka thaaiñ pynkut u W.S. Suting.

Share this:
Previous

Kiwa em cha baar ki Constituency ka GHADC ym toh u dooh nongsngi ki hawa lai thap Vote

Next

Dawa ka JSU-Jowai Circle wow wai noh ya ka Chyrmang Sub Center