15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Dawa ka JSU Laskein Circle wow pynneh ya u Lab Technician ka Laskeiñ CHC

Advertisement ad1

Ka seiñ JSU Laskein Circle hapoh i yahkhmat u General Secretary yong ka, u Franky Shylla chirup wa u Publicity Secretary u Dapmain Suchiang hadien wa yoh ko ya ka ujor na ki paidbah ka thaaiñ wa chah kyrriah kreh u Lab-Technician uwa na chnong Laskein, ka seiñ da chem ko wa em sadu kawi donhi ka Lab- Technician. 

Ka seiñ da ong ko wa ini da wanrah i yei eh iwa khroo neidaw wa heipor wa lai leh Test COVID 19 cha ki chnong, kani ka thaw sumaar da man ko kawa thylli khlem Lab Technician wei ki paidbah chem chitom ki wow yoh yei sumaar wa paka. 

Ki paidbah da ujor ki leh wa nadooh wa chah kyrriah kreh uwi na ki Lab Technician da wanrah i yei eh wa khroo neibhah wa uni u Lab Technician toh uwa smat wow yarap ya kiwa kjut kani ka thaaiñ ha iwon iwon i por.

Neiliang u Publicity Secretary u Dapmain Suchiang da kyntu u ya ki bor wa pait ya kani ka CHC wow pynneh ya u Lab Technician uwa jooh em ha kani ka CHC neibhah wa i sur ki paidbah da pyrchah joor i ya ini i kyrriah da kiwa mihkhmat kani ka thaaiñ.

Da ban joor leh ya ki bor wa hajrong wow bichaar bniah yeini wei lada ym mano ki yeini, neiliang ka seiñ daw chong pyrkhat ko hajrong ini deiwa pynrap leh yei emkaam ka CHC kam ka X-Ray wa ki dawai. 

Share this:
Previous

Maham ka KSU San Chnong Unit ya kiwa kamai kari wa chim kabu

Next

66 ngut kiwa dang yoh, 128 kiwa chait wa sa 1 wa yap na u COVID-19 ha Meghalaya