Ka JSU Nartiang Circle hapoh i yahkhmat u President, u N. Mukhim wa u General Secretary, u S. Sumer da lai yachem ki wa u Branch Manager ka Meghalaya Co- Operative Apex Bank wa em ha Nartiang wow takit yei eh i khoo wa chem ki paidbah ha kani ka thaaiñ.
Ka seiñ da ong ko wa i em kani ka Bank wa kawi tawon ha Khanduli, ka Meghalaya Rural Bank da man ko kawa eh bha wow chakri ya ki paidbah ka thaaiñ wei da kyntu ya kiwi tawon ki Bank u wan booh chnat (Branch) chooh chooh ki cha kani ka thaaiñ khamtam ha Namdong khnang yow pynsuk ya ki chnong wa em cha khappood wa ka Assam.
Ka seiñ da pynsñiaw ko wa datoh u booh ATM kani ka Bank khnang wow pynsuk ya ki paidbah wow sai poisa khamtam katni kiwa boon ki Scheme kiwa ka sorkar da e ko cha kini ki thaw.
Ka seiñ da yaroh ko leh ya kani ka Bank kawa da e chakri ya ki paidbah da boon snem kattu wei da kyntu ko leh ya ki paidbah wow man ki kiwa krehlang wa kiwa pynlai kani ka Bank khnang wow yoh myntoi ki ha waroh ki liang.
Kani toh katkam ka Wyrta na u President ka seiñ u N. Mukhim.