Ka JSU-Southern Border Zone, East-Jaiñtia Hills District da yachem ko ya ki sahep ka AH & Veterinary Department, East-Jaiñtia Hills District ynne wow dawa pynkreh smat ya kawi ka Veterinary Dispensary ha Bataw khnang wow chakri ya ka thaaiñ khappood ka District.
Kani ka Veterinary Dispensary ha kani ka thaaiñ toh kawa da tyrwa wow booh nadooh u 2017 wei i thaw wow chna ya ka toh iwa da e sñiawbha da ka Dorbar Chnong Bataw tangwa hadooh katni ympu em u sdang i kreh ha kani ka thaw.
Ka JSU da ong ko wa kani ka kreh (Project) toh kawa emkaam bha ha ka thaaiñ wei boon ki paidbah im ki nei rep hanla em kani ka thaw chiboon u moochuni.
Chooh chooh hajrong ini, ka seiñ da yachem ko leh ya u Deputy Commissioner ka District wow tyrwa wow lai pait namo wow leh da ka Joint Inspection ha ka tayaw wow wan kamjooh leh wow lai pait ya ki skur wa em ha kani ka thaaiñ khnang wow ye u dawa booh ya ka kyrdan skur Higher Secondary i wow myntoi ki khynnah ka thaaiñ.
