U SP ka West Jaiñtia Hills da pyntip u wa ha ka 18-11-2016 da yoh ya ka ujor FIR ha Amlarem Police Station wa chah slaitbor kawi ka bru ha ka 17-11-2016 ha u Murtibiang Surong wei ya ka takit da leh da ka SI. O.Tyngkan.
Kamtæ ynne ka 30 tarik, ka yung bichaar u District Session Judge, West Jaintia Hills, Jowai da rai pynrem ko ya u Murtibiang Surong deiwa phah kset ya oo 12 snem deiwa khor deilang wa ka kuna wa T. 50,000.
Ha iwi won iwa jia heiwa da e FIR ha ka 27-02-2018 ha Jowai Police Station, kawi ka khynnah kynthai da chah slaitbor ko boon sien nadooh u Khonchonglad (Nov), 2017 ha u Francis Suchiang. Ya ini i kaam da takit da ka SI. R.M. Suchiang.
Kamtæ ha ka 28 tarik uni u bnai ka yung bichaar ka Special Judge (POCSO Act), West Jaintia Hills, Jowai da rai pynrem ko ya u Francis Suchiang wei da phah kset ya oo 4 snem deiwa khor bha deilang wa ka kuna kawa T. 6000 wei lada ym su daw hap wow chah kset sa ar bnai tangwa lada su slem daw hap u chah kset sa chi bna.
