theme-sticky-logo-alt
theme-logo-alt
Advertisement ad1
Advertisement ad1

Dawa ka JSU wow pynkrehkaam noh ya ka MCH Panaliar

Advertisement ad1

Ka JSU Jowai Circle da thoh biang ko cha ka sorkar lyngba ka chiti wa da phah cha u James Samgma, Montri ka chnat i chait i khiah, cha u Dr. Aman War, Director (MI) DHS wa cha u Conrad Sangma, Montri Rangbah ka jylla wow dawa na ka sorkar wow pynkrehkaam noh ya ka Maternity & Children Hospital kawa em ha Panaliar Jowai.

Ka seiñ da ong ko wa katni kani ka MCH ha Panaliar toh kawa da biang nadong chadong nadooh ka yung ka sem wa kiwi de kiwa emkaam tangwa ym em pynemkaam ya ka neibynta wa da mang yow e chakri ya ki manbei wa ki khynnah wa ki khonboo.

Advertisement ad1
Advertisement ad1
Advertisement ad1

Ka JSU da ong ko wa emkaam wow leh smat yeini neibhah hawa lai pait ya ka Jowai Civil Hospital ha Ialong da sakhi wa neidaw wa duna ki thaw thiah khamtam neibynta ki manbei wa punkhon da hap wow booh thaw thih ha ki thaw wa lai wa wan ki bru.

Kamtæ ka JSU ka dawa joor ko wow sdang noh yei chakri kamwa da mang ya ka MCH ha Jowai yow e yei chakri wa paka ya kiwa chong chnong ka Ri-loom Jaiñtia khamtam kiwa kjut wa kiwa punkhon kamjooh ki khonboo yow yoh ki yei sumaar wa paka lyngba ki OPD, ICU, NICU, Labor Room wa kiwi de kiwa da em ha ka MCH.

Ha Jowai Civil Hospital Ialong
Share this:
Previous

Khlaad noh u Ma Ri-Yoo Pyngrope

Next

Da chem ya kawi ka Debit Card na yung krehkaam u DC Jowai