Jowai : Ka Jaiñtia Youth Federation JYF hadien wa da mih ka ujor wa da kynnoh ya ka seiñ wa em bynta ko wow pynklumar hei yatoh wei lai paidbah ki khynnah puræ ka Kiang Nangbah Government College da pynsniaw ko yei mynsien wa khyrngiat hei wow yoo wa da kynnoh dai burom ki ya ka seiñ.
Ka sein da ong ko wa i kynnoh wei pharep khlem nongrim u ma SC Laloo ya ka seiñ wa ya kiwei ki seiñ, man ko tang ka khubor pyntieñ wow tymmoh eit miaw yei jingpynemkaam bakla ki bor Distrik ya ka aiñ, deiwa bom Lathi charge, Tear Gas wei wow siat um ya ki khynnah puræ ka KNGCSU ha ka 10 tarik uni u bnai.
Hei sakhiat ki bor distrik da kyrpad ki ya ki ar seiñ kitæ ka JYF wa ka JSU wow pynsniawthooh ya ki paidbah kiwa da lang ha kani ka ophis wow man ki kiwa jai jai yow yoh yei suk i saiñ.
Kamtæ na ka liang ka seiñ ka dawa wa ki bor sorkar da toh u pyndam noh ya kani ka ujor khlem em kyndon neibynta i bha i miat ka imlang sahlang.
Discussion about this post