Ka Sur U Paidbah East Jaiñtia Hills District (KSUPEJHD) ynnin ka sngi da dawa ko na u Kyrmen Shylla u Montri ka sorkar uwa man leh u MLA ka Khliehriat wow wai paidbah noh ya ka Khliehriat Civil Hospital.
“Da yoh yutip i wa ka sorkar da mynjur ko wow pynku kyrdan ya ka Khliehriat CHC cha ka Civil Hospital,” da ong ka KSUPEJHD heipor wa e ko ya ka dorkhat cha u Montri deiwa pynrap wa i wai won ya ka hadooh katni dang man iwa sahteiñ.
Da ong ko leh wa emkaam jhan wow wai paidbah noh ya kani ka Khliehriat CHC cha ka Civil Hospital khnang wow man ko ka thaw wa biang pura ki tiar sumaar ki wow myntoi ki paidbah ka District.
Ya kani ka dorkhat da ekti da u Chairman u Dr. R. Phawa hei emlang u Assistant General Secretary u Streamly Suchen, ka Finance Secretary ka Voilet Lyngdoh wa kiwi kiwi.
Hajrong ini neiliang u Kyrmen da kular u leh wow chimkhia wow leh yeiwa emkaam neiliang yong oo.
