theme-sticky-logo-alt
theme-logo-alt
Advertisement ad1
Advertisement ad1

I kaam seiñbhalang

Da: U Chandame Sungoh

I kaam seiñbhalang, han kamni ko paya,
Ki President hi-eh wow yoh poisa;
I ki Member ki dkhot waboon walang,
Chah tuklen hi-eh kam ki synrum ki phlang.

Chi snem ar snem u man President,
Da thied kari kawi samen;
Man-ka-sngi kyndeh Phone cha dukan cha!
Kut bnai kut bnai tæ lithooh poisa.

I ki para wa ya kitkaam,
Kat u bi pnah hi-eh kamwa baam sachram;
Ki ru wa baam suk i pasoh i chrieñ,
I tæ ya kbiat hi-eh du ki chyieñ.

Itæ i maya ri maya jaitbru,
Kat yoh hi-eh u chim kabu;
Leh thok leh chukor leh Benami,
Ym toh mo kitæ kiwa dai ri!

Yoosar nawa sdang leh da dep Plan chwa,
Chna seiñbhalang yow yoh poisa;
Wym pyrkhat yaki Member ki dkhot,
Kini se ki suri kup snieh langbrot!

Ap yei ktien tæ ari sniawbang!
I kiwa biej tæ kai hawa rang!
Han wa mar chawa yoo,
Ki iñkhaw thnga, ki dai jaitbru.

Chwa u pynkut kani ki poitri,
Para seiñbhalang paan maap naphi!
Ym toh waroh ki sieñ wa man kamni,
Kitu hi-eh sea ki laty’ap ki suri.

Share this:
Previous

Dawa ka Ka Sur U Paidbah EJH na u Kyrmen Shylla wow wai noh ya ka Khliehriat Civil Hospital

Next

Kular u BM ka HDFC wow wai biang ya ka kor ATM ha Wapung: HYC