Ka KSU Jalaphet Unit ha ka 27 tarik uni u bnai da lai yachem ko wa ka Santa Mary Shylla, MLA ka Sutnga Saipung yow e dorkhat yow dawa wanrah Scheme neibynta ki sarok, ki luti syngkieñ kiwa emkaam ha ka chnong Jalaphet.
Da dawa wow chna Footpath nadooh Jalaphet Pyrdung hadooh Jalaphet Lumpathoi yow rap chngaaiñ i lai i wan khamtam ki khynnah skur yow lait nei chah tyrrah kari.
U pynchna ya u sarok nadooh na Jalaphet hadooh Moolait uwa da sih cha palat hadooh wa lait u lai du da ki kari heh donhi neidaw wa em ki thlu wa heh wa heh hapyrdi sarok wei ini da booh ko hei eh ya kiwa kjut wa chitom wa chimpor da ki kynta yow poi cha ki thaw sumaar.
U pynchna leh ya u sarok wa lai cha Khnap Thangbru Moojiam neibhah da hap wow kit yei metyap da ki kari Pickup hawa lai pyndep ya ka niam thang.
Neiliang ka MLA da ong ko wow tyrwa ko yow wanrah da ka Scheme yeini i dawa yow chna pynsmat ya kini ki sarok.
Heiyatoh won wow pynku kyrdan ya ka Jalaphet Sub-Centre, neiliang ka MLA da ko wa kani ka Sub-Centre da toh hok sahiat wow pynu kyrdan noh neibhah da ku i boon bru neibhah dang jan kani bar wow lai cha Sutnga CHC.
Ka MLA da ong ko wa daw pynyoh sa kawi ka Sub-Centre ha Jalaphet khnang yow yarap ya kiwa chong chnong.
Discussion about this post