Ka Khasi Students’ Union (KSU) Wapung Unit ynne hei yahkhmat u President, u Deiniwan Lyngdoh, u Finance Secretary, u Nibalson Ryngkhlem deilang wa ki dkhot da lai booh ki da ka dorkhat ha u Additional Deputy Commissioner (ADC), ka East Jaiñtia Hills District wow dawa booh da ka Dispensary lane ka Sub-Centre ha ka chnong Suchen yow pynyoh yei sumaar wa smat.
Ka seiñ da ong ko wa ka Health Sub-Centre kawa em ha ka chnong Iapmala toh kawa jngai kamwa 5-6 Km wei ini da pynjynjar ko ya kiwa chong chnong kamjooh ki chnong wa em chajan wow lai chadooh cha Iapmala yow yoh yei sumaar.
Ini da pynman i ya ka seiñ wow dawa da ka Sub-Centre ha chnong Suchen kawa daw chakri lang ya ka chnong Suchen-Rim, Suchen-Dhana, Suchen-Lum Yaraiñ waka chnong Suchen-Mulieh.
