Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ biang ya ka ynne i janmiet deiwa pynman biang ar tylli ki yalehke.
Ha ka yalehke wa nyngkong, ka Damanle FC da jop ko yaka Kurwan FC da 6-1.
Ya ka Damanle da thap kool da u Dowell John Shylla ha ka minit wa 1, 11, 25 wa 42 wa u Romeyo Shylla ha ka minit wa 13 wa 44 katwa ya ka Kurwan da thap kool da u Datngen Dan ha ka minit wa 41.
Ha ka yalehke wa ar, ka Carpe Diem da jop ko yaka Ultra Legend da 1-0 lyngba ka kool wa thap u Sahame Lyngdoh ha ka minit wa 47.
Ki yalehke wa mynstep u man ko hapyrdi ka Mawlong FC waka Mafia FC heipor 5:30 i janmiet wei daw pynbood da ka Pieh FC pyrchah ya ka Dongmihsngi Junior’s heipor 6:30.
