Ka KSU Environment Protection Cell ynne ka sngi da lai e ko dei thoh cha ka DC ka East Khasi Hills yow dawa khang yei dai wei thang bomkala hapoh ka District ha kani ka Diwali.
Ka seiñ da ong ko wa ym em wit ko yei lehkmen Diwali hapoh ka jylla tangwa toh u pyrkhat yei ktah ki bomkala ya ka rymaw neibhah kat dang lai ki snem dang joor i pynemkaam bomkala heipor Diwali iwa da ktah ya ka la’ær hadooh wa da jinjar kitu kiwa chem chitom u riñ mynsien deilang leh kiwa da heh rta kamjooh ki khynnah hadooh ki mrad wa ri ha yung ha sem kamjooh ki sim ki doh.
Chooh chooh da ong wa i pynemkaam bomkala da wanrah ko leh yei mynsoo hadooh em i por wa sdang i diñ iwa da pynkhia kaam ya ki bor sorkar wow lai e yarap jhan.
Kamtæ da dawa wa toh u khang chipor yei pynemkaam bomkala yow yoh ya ka Diwali kawa chait wa khiah wei kawa chngaaiñ.
Da ong leh wa ye wow lehkmen deiwa thang ya ki Diya wa kiwi ki jait yalang wa yatoh wa ka Diwali ki wym ktah ya ka ramaw.
Ha ini i yachem waka DC, da khana ko wa dadep ko wow khut yalang wa ki Sector Officer wei lada em kiwon kiwon kiwa leh pyrchah ya ki kyndon wa dadep pynbna daw chah pynchitom ki katkam ka aiñ wei da chah yei lehkmen wa man kam ka Eco Friendly.
Wei da khana ko leh ki kyndon thang bomkala da pynbna ha waroh ki District leh kamjooh.
Discussion about this post