theme-sticky-logo-alt
theme-logo-alt

Dawa ka KSU wow pynbiang bordiñ ha ka thaaiñ Narpuh

Ka KSU Narpuh Circle da kyntu ko ya ka chnat saam bordiñ ka sorkar jylla ka MeECL wow yaleh chitom u pynyoh bordiñ cha thaaiñ Narpuh neibhah wym yoh bordiñ de da ki tayaw.

Ka seiñ da ong ko wa hao wa ym ye u len wa joor u slap da pynman yei dooh bordiñ. Tangwa ka seiñ da phylla wa du chi hiar slap malu mala da dooh wot ka bordiñ wei ini toh iwa da jia ha ka thaaiñ Narpuh toh kawa da pteiñ man-u-snem.

Da ong leh wa ini pynyoo ko yei leh chilliang ka sorkar yow pynyoh bordiñ heiwa ym jooh maap leh wot heipor wa man Exam ki khynnah skur wei ym em leh kiwa mihkhmat nadooh u MDC, MLA wa MP wa jooh klam yei wym yoh bordiñ wa tikna ha kani ka thaaiñ. Wei lada kyruiñ cha kiwi ki laad pynroi leh man kamjooh.

Da kdaw leh wa mar ya poi ka 15, 16 tarik man-u-bnai da wan wow khrong bordiñ na man ki thlu yung wei ki paidbah hap ki wow su hanla pynemkaam ki da i mombati waka charak. Kamtæ ka seiñ da kyntu joor ko ya ka sorkar wow pynbiang bordiñ ym toh wow suki hi-eh. Neibhah waroh ki karkhana pynmih khyndaw-bilat wa em ha thaaiñ Narpuh toh kiwa biang bordiñ hanla joor u slap leh wei hajrong kani ka yurim wa ka seiñ da pynbaad ko yei leh arsap.

Share this:
Previous

Lai pynchna ka KSU ya ka skur sorkar kawa dap 100 snem i chakri wa da chah ieh beiñ

Next

Daw pynman ya ka Dorbar Kutsnem yong ka Elaka Maskut