Hadien wa yoh ujor na ki kattu katni kiwa chong chnong ka Larnai wa em uwa sikai skur uwa ym jooh poi cha skur tista nadooh wa phah ya oo ha Larnai Government LP School neiliang ka KSU-WJHDU da chimkhia ko yeini.
Ynne ka sngi hei emlang uwa yakhmat ka KSU Larnai Unit da lai pait ki ya kani ka skur heiwa da chem ki yeiwa sakhiat wa uni uwa sikai ya uwa da tip pyrtuid kam u Wikiru Shylla ym jooh wan u cha ka skur.
Chooh chooh ka seiñ da ong ko wa u Wikiru Shylla ymjooh wan kreh tista u nadooh ki 12 snem wa da lai iwa man i doohnong wa khroo ya ki khynnah.
Kamtæ hajrong ini neiliang ka seiñ da dawa ko wow pyndooh kreh noh ya uni u bru uwa da pyndooh ya i hok ki khynnah heiyatoh wa i stat i tip.
Neiliang ka seiñ da kyntu ko leh ya ki paidbah wa lada chem ko ya kam kini ki bru wa chim kabu wow pyntip cha ka seiñ khnang wow leh ko yeiwa emkaam.