15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka KSU wow sdang noh u chna ya u sarok Darrang-Shnongpdeng uwa ieh hadien wa dep booh Signboard

Advertisement ad1

Ka Khasi Students’ Union Shnongpdeng Unit da pyntip ko cha ka chnat PWD kawa toh u pait ya u sarok Darrang-Shnongpdeng neibhah wa hadooh kattæ ym em iwon iwon i pynkhreh wow chna næ siang rong noh hadien wa da wan booh ya ka Signboard PMGSY harood sarok.

Ka seiñ da ong ko wa u sarok hadooh kattæ katwa dang mih ki sngi nang joor i sih u wei ki kari leh da chem chitom ki neibhah wa ym em wa pait. Wei hei yong sakhiat uwa kreh ya kani ka sarok da toh u pynpoi noh u ya ki tiar ki tar wow sdang noh ya i kreh tangwa hadooh kattæ ym em yoo ya kiyi kiyi ki dak ki chin wow sdang kreh.

Advertisement ad1

Ka seiñ da pyntip ko leh wa ha i yaklam wa u Executive Engineer ka PWD Jowai (South) da ong u wa da toh wow pynkreh noh smat ya uni u sarok khamtam ha kini ki por wa dang duna ki kari Tourist wa lai cha kani ka thaaiñ yow rap suk i rukom kreh.

Kamtæ ka seiñ da dawa joor wa toh u kreh noh wut wut ya uni u sarok khnang wa ki paidbah cha kani ka thaaiñ u suk ki khamtam kitu kiwa kjut wa chitom yow ye ki u poi smat cha ki thaw sumaar.

Ka seiñ lyngba ini da phah ko leh ya u Contractor wa yoh wow kreh ya uni u sarok wow toh u wan kreh noh khnang wa i kaam i jaam u lai bait lai ryntih.

Share this:
Previous

Kiwon kiwon ki bru da ye ki wow phah Test COVID deiwa su dei dor

Next

Pynbna ka MoHFW yaki kyndon hawa pynman yaki tamasa