Dawa ka liang pyrchah wow pynku tulop ya kiwa sikai skur

Shillong: Ki dkhot ka liang pyrchah ynne ka sngi da dawa ki hapoh ka yung dorbar wa ka sorkar u pynheh noh ko ya ka tulop yong ki wa sikai skur adhoc, SSA wa ki 4^th Teacher.

Ya kani da wanrah da u MLA ka Nongkrem u Ardent M. Basaiawmoit wa kyrchaan da ki MLA wa kynthup ya u MLA ka Sohra u T.W. Chyne, u Dr. Jemino Mawthoh, u K.P. Pangiang, Saleng Sangma, Nihim D. Shira wa kiwi.

Kini ki MLA da pyrchah ki deiwa ong wa ka sorkar toh u su ko ya ka tulop yong kiwa sikai da kawa salonsar khlem pynyaphær kyrdan na ki wa sikai SSA wa ki 4^th Teachers neibhah wa man ki kamjooh wa kiwa sikai ka sorkar.

U Ardent da ong u wa kiwa sikai hapoh ka lama ka JACATAM ki da dep e ya dorkhat cha ka sorkar boonsien khamtam yei pynheh yaka tulop yong kiwa sikai tangwa kamwa man hi ka sorkar suki ko kiaw næ. Neini i daw kiwa sikai da maham ki wow mih madan yow pynman ya ki yakhih.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katwa u T.W. Chyne wa u K.P. Pangiang da ong ki wa ka sorkar da toh por wow pynku noh ko ya ka tulop yong kiwa sikai 4^th Teachers wa ki SSA neibhah katkam ka hukum ka sorkar pyrdi, ka ym em phiah kyrdan ko yei rukom su tulop tangwa ka sorkar jylla kawa phiah kyrdan ya ki deiwa pyn yaphær leh ya ka tulop.

U Saleng da pynsñiaw u wa ka sorkar wa chna ya ki policy ki wow myntoi ya ki khynroo khyllod khamtam manda pyndep ki ya ka puræ puthi neibhah wa katni hanlada pyndep ki ya ka graduation leh chem ki yei eh i khoo neibhah i kaam sikai ym em man i i wym biang wa skem.