15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Palat 600 ngut ki kynthai wa ngat ha ki kaam sih ha sor Shillong

0 Comments
Advertisement ad1
Advertisement ad1
Advertisement ad1

Shillong: U MLA ka Nongthymmai u Dr. Jemino Mawthoh da ong u wa em palat 600 ngut ki kynthai kiwa chah pynbor ha i rta sngi yong ki wow leh ya ki kaam sih katkam wa da e yutip kawi ka seiñ kawa yarap ya kiwa ngat ha kam kini ki jait kaam.

Hawa wanrah ya ka phang yeiwa chah slaitbor ka khynnah ha Marvelene Inn ynne ka sngi hapoh ka yung dorbar, u Dr. Jemino da ong u wa man i iwa sñiawsih wa kam ini jia i wei da poor da joor bha i khamtam ha sor Shillong wei emkaam wa ka sorkar u khyrngiat thiah noh ko wow pynwiar ya kam ini.

U Dr. Jemino da ong u wa i krehkaam ka tnat pulit da pynartatien ko ya ki paidbah khamtam hawa ya ki sahep kiwa chimkti wow takit hajrong iwa jia ha Marvelene Inn da kyrriah kaam noh wei ympu dep u takit yeini.

Da ong u wa katkam ki wa pathai khubor wa yaklam wa ki kynthai wa dai yei doh i pran da khana ki wa ka Marvelene Inn toh kawa chngaiñ dooh bar ya kiwi ki thaw kam ka Pinewood, Shillong Club, wa kiwi kiwi kiwa em hapoh ka nongbah.

“Ka sorkar emkaam u chimkhia ko wow khanglaad ya kam kini ki kaam sih u roi ki.” da ong u Dr. Jemino.

Hawa jubab ya ini i chah kyrriah kaam ki sahep wa pait wa takit yeini da ong u HDR Lyngdoh wa i kyrriah kaam ya ki chong i ha u SP ka East Khasi Hills wei ka sorkar ym em bynta ko iyi iyi leh hei yatoh weini.

Da kyntu u leh ya waroh ki dkhot ka yung dorbar wow yakrehlang wa ka sorkar khnang wow khanglaad ya ki kaam sih hapoh ka imlang sahlang.

Heijooh i por da pyntip u wa waroh kiwa chah kem hei yatoh wa ki kaam slaitbor ya ki khynnah da pynngat hapoh ki kyndon aiñ yong ka POCSO wei ka bichaar ya ki dang lai i chakhmat.

Share this:
Previous

Ka sorkar ym jooh pynman tamasa ko tangwa e yarap poisa heh ko : Dr Mukul

Next

Dawa ka liang pyrchah wow pynku tulop ya kiwa sikai skur