Khliehriat: Ka seiñ MPUF-EJHD (Meghalaya people’s United Front-East Jaiñtia Hills District Body) hapoh i yahkhmat u President ka seiñ na East Jaiñtia, u Michal Chyrmang ryngkat i synraan lang na ka Central Governing Body, u Dapoi Wanmi Laloo uwa man u President Rangbah ka seiñ da e dorkhat ko ya u CEM wa EM Incharge ka Trading Licence wa Labour Licence ka JHADC.
Ha ka dorkhat da dawa wow kynreh ya ki kot Trading License wa ka Labour License ya ki baar jylla ha waroh ki bynta ka East Jaiñtia khamtam ha ki thaaiñ Ladrymbai, Soo Kilo, wa ki karkhana khyndaw bilat.
Ha ini i yachem ka seiñ da sñiawkmen ko wa u CEM ka JHADC, u Madonbai Rymbai da kular u wow yakrehlang wa ka seiñ hajrong ini, da sñiawsuk ko wow yoo wa u CEM da pynyoo u yei mynsien wa thrang u wow kreh neibynta ka jaitbru.
Neiliang u Laitsingh Sylla da kular u leh wow yakrehlang wa ka seiñ wei wow leh ko yeiwa emkaam hajrong ini.
Ka seiñ da ong ko wa em ki baar jylla wa paan License dai tim tangwa da wai won ki ynñiaw phra tylli ki counter tim wei em won ki dukan heh kiwa pynlai da ki baar jylla ym em yaleh Trading wa Labour License ki wei em kiwa da yoh leh ym em pynthymme ki ya ki hanlada kut i por wei ini i leh ki baar jylla ymdu knieh ki yei kamai ki tre jylla wot hadooh wa dooh nong ka Council .
Ka seiñ da ong ko leh wa tieñ ko wa kam ha kini ki por wa da pynmih ya ka Draft NRC ka sorkar Assam heiwa hadooh kamwa 40 lak ngut kiwa ym em mih pyrtuid ye ko wow pynbor ya ki wow wan cha kani ka jylla.
Discussion about this post