Jowai: Kiwa yahkhmat ka seiñ Meghalaya People United Front (MPUF) Khliehriat Circle, haka kyrwoh wa phah da u President u Kyrshan Blah, da booh ko ya i dawa yaka chnat krehkaam yong ka MeECL wow sñiawbha u pynchna lane kylliang noh ya u Transformer wa em haka chnong Daistong wa haap haka Elaka Nongkhlieh, East Jaiñtia Hill District, uwa da sih u wym krehkaam de kattu la kamwa chibnai tam.
Ka seiñ da ong ko wa i dooh noh ya utai u Transformer da pynchitom ko ya ki bru kiwa yoh bordiñ lyngba yong oo.
Neiliang ka seiñ da kyntu ko yaka bor wa toh u pait ya kani ka kaam wow sñiawbha u chimkhia lang ya ini i dawa yong ka seiñ khlem da pynslem de neibynta i bha i miat yong ki paidbah chong chnong.
Ka seiñ da ong ko leh wa daw booddien ko ya kani ka kaam lada ka MeECL ym leh ko yei kamram yong ka.
Discussion about this post