15 49.0138 8.38624 1 0 4000 1 https://wyrta.com 300 0
Advertisement ad1

Dawa ka MSCSO na u montri ka Sports & Youth Affair Department wow pynbiang madan ha Moopynieiñ, Wapungskur

0 Comments
Advertisement ad1

Wapungskur: Ka Moopynieiñ Socio, Cultural & Sports Organisation (MSCSO), Wapungskur, East Jaintia Hills District, hapoh i yahkhmat u Shaniahskhem Dkhar, President wa u Reachingson Siangshai, uwa e buit ka seiñ wa kiwi kiwi kiwa yahkhmat ka seiñ da yachem ki wa u montri ka kaam Sports & Youth Affair yong ka sorkar jylla wa ya u Kyrmen Shylla, local MLA uwa man leh u montri ka Revenue & Disaster Management Department ha ka 3 tarik uni u bnai wow dawa naki wow pynbiang pynbha ya ka madan yalehke wa kiwi kiwi ki bynta ka madan yong ka Dong Moopyniein.

“I wym em madan yalehke kawa biang hapoh ka dong yong i, da khang laad ko ya ki khon khynroo kiwa em ki sap ha ki yalehke Sports wa boonjait wow pynkhreh u yachimbynta ha ki yakob ha Block Level, District Level næ State Level, wei na ini i daw da pynman yaki khon khynroo wow poi ki cha ki kaam wa sih kiwa pynjæd ya iwa im ki kam ha i kiad wa kiwi jait dih pynmuaid wa boonjait,” ong u Shaniahskhem Dkhar.

“Kam ka seiñ kawa pait ya ka bha ka miat wow pynku ya ki khon khynroo yong ka dong waka chnong Wapungskur hi waroh kawi heiwa boon ki bynta, i da chem i wa ka sorkar jylla hi boonsien ka kyntait ko wow pynbiang madan yalehkai wot ya ki Indoor Stadium, ki Youth Centre, ki Library, ki Auditorium, ki Recreational Centre wa kiwi kiwi kiwa emkaam ha man ki chnong, wei ini daw khang laad ko ya ki khon ka chnong wow yoh ki u pynkhreh yow chimbynta ha ki yakob wa boonjait, wei kini ki thaw u man ki leh kam ki thaw pynlut por kitu kiwa ym em yohlaad u lai skur yow tip chaphang ki yalehke wa boonjait bar yow poi ki cha ka dih kiad, dih drugs iwa ktah yaka chongsuk chongsain.” Da ong won sa u Reachingson Siangshai.

Kamtæ ka seiñ da dawa ko leh na ka sorkar jylla lyngba ka Sports & Youth Affair Department wow thooh laad wow pynbiang ya iwa emkaam ki khon khynroo kiwa man ka mynried ka mankawi ka jaitbru yow ku leh ka jylla waroh kawi.

Hadien wa da dep e dorkhat ha u Banteidor Lyngdoh wa cha u Kyrmen Shylla, kiwa yahkhmat ka MSCSO da pynsñiaw ki yei sñiawngooh ya kini ki ar ngut ki montri hadien wa ki da kular ki ya ki dkhot ka seiñ wow chimkhia ya kani ka kaam wei wow pynbiang ya kiwa emkaam yong ka.

Advertisement ad1

0 Comments

Leave a Reply